السلام عليكم

هذي الكيكة تقريبا كلما خلصت سويتها أحبها أنا وبناتي وممكن أخليهم يفطرون ويتعشون عليها لأنه لذيذة ومغذية ومشبعة ..

أصل الوصفة كانت كيكة جزر عادية .. عدلت عليها أنا وأمي وكل مدر نتشارك التعديلات لما وصلنا لطريقة مضبوطة ..
(يسخن الفرن بدرجة ١٨٠)
٤ بيضات بحرارة الغرفة يخفقون لما ينتفشون مع
كوب سكر جوز الهند
١/٤ كوب سكر بني
م ص فانيلا
ورشة ملح .. وشوي خل عشان ريحة البيض
وممكن هيل قرفة وزنجبيل
ثم يضاف :
كوبين طحين بر كامل منخول مرتين
نص كوب زيت كانولا
نص كوب زيت جوز الهند
٢ م بيكنج بودر
ملعقة بيكربونات الصوديوم
كوب ونص جزر
(اختياري) سكوبين بروتين مع نص كاس حليب
وتخلط خلط خفيف

تصب بالقالب المدهون بزيت وطحين وتزين من فوق بالجوز وجوز الهند
تخبز بالفرن نص ساعة ١٨٠ درجة

معايير نجاح الكيكة:
١- البيض والطحين يكونون بحرارة الغرفة
٢- خلط البيض مع السكر جييدا لما ينتفش
٣- بعد اضافة باقي المكونات تخلط خلط خفيف وسريع (لازم ما تطولون بالخلط انتبهوا)
٤- تسخين الفرن قبل ادخال الكيكة وعدم فتح باب الفرن قبل مرور نصف ساعة
٥- نخل الطحين مرتين

 

وبالعافية .. لذيذة لحالها وأحيانا أدهنها بنوتيلا صحية تصير ألييمة..