البيستو صلصة أسمع عنها من زمان وما قد ذقته أو اشتريته، بالأدق شريته مرة وكنت حامل وما قدرت أتحمل ريحته وما فكرت أذوقه !

شريت علبة صغيرة من محل أرض الطبيعة ولما خفت تخرب قلت بسوي مكرونة بالبيستو !

الحقيقة انصدمت ان بناتي عجبتهم مرررة وهم جدًا بالأكل متعبات ويتشرطون ومايعجبهم أي شي ..

المكرونة مثلا ما يآكلونها الا سادة ما تعجبهم الصلصة الحمراء أو البيضاء !

شجعتني صديقتي لمياء اني أصنعه منزليا ..

وكانت التجربة جدًا ممتازة.. أسوي كمية وأقسمها بلعب زجاجية وأحفظها بالفريزر ..

الريحان أشتريه من قسم الورقيات العضوية (ريحان إيطالي) الكيس تقريبا سعره ١٠ ريال فيه مستورد وفيه مزارع سعودية (انتبهوا بسرعة يسود سووه أسرع وقت)

أغسله وأنشفه من الماء تماما

أقطف الأورق وأضعها في محضرة الطعام مع
صنوبر – جوز – لوز ، وممكن إضافة أي نوع من المكسرات وزيت زيتون إلى أن يتكون القوام المناسب..

 

وبالعافية