السلام عليكم ورحمة الله وبركاته

أهلا أصدقاء المدونة ..

١- القلاية الهوائية air fryer

HD9220_26-IMS-en_CA

من أعظم اختراعات البشرية ودايم ادعي إن اللي اخترعها يسلم عشان يآخذ أجر على الفرج اللي فرجه لنا ..

باختصار :

سريعة

لذيذ الأكل فيها

ماتسبب فوضى

وش استخدامي لها ؟

أعد فيها الخضار وأستخدم بخاخ الزيت .. النتيجة لذيذ وصحي

البطاطس: أغسله وأقطعه وأتبله بثوم مطحون وزعتر بري وملح وفلفل وزيت زيتون.. النتيجة: بديل صحي ولذييذ للبطاطا المقلية مدة الطبخ : ١٢ – ١٥ (يقلب في وسط المدة)

الباذنجان: أقطعه شرايح وأرش عليه ثوم مطحون وزيت زيتون، النتيجة باذنجان جاهز للدخول في أي طبق: رز – سندويش – مرق – صينية – سلطة.. مدة الطبخ : ١٠ د

زهرة: أتبلها وأبهرها وبعدها أضيفها للأطباق أو السلطة .. مدة الطبخ : ٥ د

بصل: أقطعه شرايح وأرشه بزيت .. النتيجة بصل لذيذ يضاف للسلطة (ما أحب أضيفه غير مطبوخ) أو يضاف للرز ..

قلي المفرزنات:

كبة – سمبوسة – نقت – بطاطا مفرزن (من دون ما أضيف عليه زيت لأنه مطبوخ بزيت مسبقا)

تحميص المكسرات:

أحمص فيها الصنوبر أقل من دقيقتين

والبندق لما أعد النوتيلا الصحية

وأحمص كذلك الخبز

هذي بعض استخداماتها ولها استخدامات أكثر

هذا حساب مفيد بانستقرام : philips_airfryer_

والجهاز يجي معه كتب وصفات ..

٢- محضرة الطعام  Food processor:

HR7778_00-IMS-ar_RW.jpeg

لا أخفيكم إن زوجي جابها لي وركنتها على جنب لكم شهر ما كنت مقتنعة فيها ..

لكن بعد ما استخدمتها اكتشفت إنها رهييبة وصاد استخدامي لها شبه يومي :

الجهاز يجي معه اكسسوارات وعدة شفرات للتقطيع وبعضها يجي معها خلاط وطحانة صغيرة

استخدامي لها :

إعداد زبدة المكسرات كنت أستخدم طحانة البن وكانت متعبة وبسرعة تصير حارة بس محضرة الطعام رهيبة قوية وسريعة

بشر الجبن كان ياخذ مني وقت وجهد وتتمصع يديني .. الآن بخمس دقايق أبشر القالب كامل

إعداد صلصة الريحان / صلصة الفلفل الحار ..

المحضرة اللي عندي فيها رأس للعجانة ورأس لإعداد الكريمة فأحضر فيها العجينة والكيك وتشيز الكيك وغيرها

أيضًا معها القطعة اللي تصنع العصير وتعزل الألياف (هو أساسا جهاز ينباع لوحده اسمه slow juicer)

٣. الخلاط اليدوي Hand Blender

3717b

سهل ومريح الشوربة بدل ما أنقلها للخلاط على دفعات صرت وهي بالقدر أطحنها

أيضًا صنع الحمص / المتبل / صار سهل ومدييح والتنظيف أسهل بكثير !

بنفس العلبة اللي بحظ فيها الأكل أطحنه وبس أغسل الراس..

أجهزة في القائمة :

قدر الطبخ البطيء instant pot

جهاز تجفيف الأكل food dehydrator

عجانة stand mixer 

صناعة الخبز Bread Maker

 

ومع السلامة ..